"Maestro at Maestra Keta Kekatamung Eskwela" (DoMiNiC V.) Sept. 11, 2006

oyni habang panenayan ke nandin ing anak ku eskwela, aisip ku neman ini... para kareng yang teachers tamu dati... sana edana kumu pikasaman...


"Maestro at Maestra Keta Kekatamung Eskwela"

atin metung a eskwela, makilalang combentu ketang maliuat a siglia
madre ibat aliuang suluk, meging sandigan keng kayapan
turu na ning eskwela mikakalugud at mipapa-misan king metung a linalang
tune yaping edapat kalingwan, eskwelang binye isip kekatamu ngan.

Gng. Yalung, maestra tamung 'Kinder' pinsan neng inda ku
'Best in Conduct' kakung ikwa...epa uso ing 'favoritism'
Bb. Manuel, maestra tamung 'Prep', malagu't matas at mestiza,
ekelambatan maging Gng. Ocampo, manggama't ngeni tuturu yapa.

Gng. Magdalena Bituin, inda dareng kambal, noel at joel
metung yang mataras, matapang at disiplinadu't malugud.
maestra tamung grade-3 i Bb. Dungca,mayap at matiyaga
mekilalang 'miss tapia' uling manggaman ngeni dalaga yapa

Gng. Cuenco, tuturung kayapan, maka-Dios at mapangadi,
hatad at sundu neng tata ku keng keyang kalesa keta cabetican
tune yang mayap at bilang sukli, akung menikwa 'Best in Religion'
Gng. Nicdao, malinis at malugud a maestra, negening mamayapa

Dodu Ocampo mituringan katlung lahi, dapot haligi ne ning eskwela
keng programa't okasyun, iyang magsilbing inspirasyun
kaluguran ming maestro, nukarin kaman, kaming patawaran
turones de casoy at sans rival kekaming pekyalaman.

Apung Maria Cruz, nung i Dodu haligi, iti naman iyang poste
pinawud yapa ing combentu, metung ne kareng tuturu
eku akalingwan inyang iya maglura ketang awang,
ikami man keta lalam makatalanga't mengatalsikan

Gng. Cortez, ala kung asabi...'let's wait for the bell' namu
pero bayu ing sabla, metung ya kareng mayap at makatula
Gng. De Leon (Masangque), produkto na ning 'Trade'
magaling keng Algebra pero mebigo kang Alan Ko

mom Ann Ronquillo, ninu kaya ing e makaganaka
maestrang malagu, ustu keng tubu; mayap at biyasa
dacal ginaga, inyang ing commandant iyang menikwa
apelyidong Angeles dadalan, keta Assumption mamuntukan

Gng. Paladin, magaling a maestra keng amanu't salita
tutung eku akalingwan, minsan eku makirandam
anang mengamanu, "Domingo, aku ing pakirandaman,
ustung ikang mebiasa keng kakung tuturu, malaut ka karasan"

Bb. Yumul, kaputul ng mom Paladin, anak pang maestra
magumpisa pang sisibul, makanian man ayasahan
talwing banuang pamagaral Gng. Bacani, kekatamung talausuk,
mayap at maganaka, simbolo ne ning metung a inda.

Mr. Allan Ko, metung a inhinyero maestro keng Trigo
Malinis at maayus, disiplinadu't magaling turu
minsan penuksu kang mom Rose dapot emipalad
ngeni de pamilya na, keta Michigan menuknangan

Epifanio Quiambao, 'give me a drop' nanu pata
metung yang principal... principal keng kalokuan
ena buring aminan obat maradu ya kule, ngeni pala
pengagli ya keng puto dapot menabu ya king tidtad

Mr. Angeles, maestro keng Algebra, dating commandant
tubung barrio Concepcion, tuneng mapalad dapot pikamuan
uling mom Ann Ronquillo kaya iyang abuslu at akapalad,
magdili-diling reyna ketang eskwela kayang abihag.

"kareng ngan pung maestra at maestro, nukarin ko man
patawad pu at eku sasadyan, mamatula kumu pu".


Pasensiya napu!
DoMiNiC V.