"Asna Canyaman" (Arnel Mat... V.) Sept. 15, 2006

ASNA CANYAMAN

Asna canyaman balican ing mengalabasan
Tunug na ning campana quetang malapit a pisamban
Nucarin ca man at nanung gagawan, tucnang ca at maciramdam

Asna canyaman ganacan ing que cang caynacan
Pinyapat mung calocuan, o nung atin man, cayapan
Quing esquela mung penibatan, capilan man emu acalinguan

Asna canyaman damdaman, quing que cang pilubluban
Potang aganaca mu lalo na ing que cang pilsintan
Rosas a panat at camote cue mung dinuang
Talasua na ca at anacan, eme pa mu rin quelinguan

Asna canyaman potang que cang abalitan
Caclase mu at cacaluguran, canya canya nong pintalan
Sana naman, adiang nucarin ca\n manucnangan
Kapilan man eca mangalinguan, quing quecang pipunpunan

Asna canyaman, ugnayan tamu ngening casalucuyan
Maestra at Maestro ela naman pala mengalinguan
Dacal pung salamat, quing pusu mi manibatan
Nung epu que cayu, cabiasnan mi alang penibatan

Asna canyaman ganacan que cang penibatan
Quing que ca tamung esquelang queragulan
Bista ma\'t ala ne, at burac ya ing cayang cutcutan
Santa Maria Academia, que ca ya pa murin\n caluguran


Caring maestra at maestro tamu comusta co pu at caring kaklase tamu nucarin co man atyu comusta co ngan at masaplalang bie cecayu ngan. Sana a burianan ye ing makuyad kung poecia.

Arnel