Arnel Villanueva's Last Letter To Our Batch (July 11, 2007)

Dear Classmates,

Dakal a dakal a salamat kareng pangadi yu at kareng cards a pepadala yu matula ku at pasalamatan da kayu at eyu ku pa akalingwan. Tutu pin itang amanuan mu Bong na God is good. Maragul ku pasalamat king Guinu tamung Jesus Christ at alampasan ke itang surgery at successful ya. Ing Guinu tamung tagapagligtas ing bibie lakas ngeni kaku at king pamilya mi uling balu mi alang imposible kaya basta magbalik kamu lub kaya at manyad tawad at dinan na kang kapayapan at sikanan, anya pin ngeni manibat anyang mika personal relationship kami kaya ena kami magworry at ing takot mi king isip at puso milaku. E pala sapat itang kakilala mya mu at maniwala kamu kaya kailangan tanggapan me king pusu mu at eganagana maging mayan. Ngening kasalukuyan 5weeks na ku king bale after the surgery magpalakas ku pa ketang surgery ku actually eko pa mag chemo, makipag appoinment ku pa mu ketang oncologist at sabyan da kanaku ku nung makananu ing susunod a treatment ing gawan da kanaku nung magchemo ku at nanung klaseng chemo ing gawan da. Although sabi na ning Doktor kailangan kung magchemo, pangadi mi pa murin ena ku dumalan kaniti uling balu mi alang imposible kaya ( It is His will and not our will) maniwala kami na pepagaling na naku ning Guinu tamu anya ena kami magworry kaya ena kayu naman magworry basta magtiwala ta na mu kaya. Bista man king kasakitan masaya ku at aganaka yu ku dakal a dakal a salamat kareng pangadi yu e maglambat makauli kami naman kanyan at mikit ikit tamu. Sana manatili yang malakas ing Batch tamu at sana dakal ya pa asaupan ing Batch tamu. Kareng kumpare ku quits ta pa kareng aginaldo, karetang sinulat karetang cards eko migaganaka kakilala da kayu ngan malakas ku pa memorya adyang menga anestiya na ku.
God Bless to all of you take care and you are always in my prayers.

Thanks,

Arnel